«Barys» búgin elordada «Neftehımık» komandasymen kezdesedi

ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin elordada Reseıdiń «Neftehımık» komandasyna qarsy ótkizedi, dep habarlaıdy QazAqparat tilshisi.

Atalǵan oıyn búgin, 14 qańtarda elorda ýaqytymen 17:00-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 39 márte kezdesti. Onyń 22-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde elý bir oıynnan keıin 48 upaıǵa qol jetkizgen «Barys» 18-orynda keledi.

Al, qyryq toǵyz oıynnan keıin 47 upaı jınaǵan «Neftehımık» 20-orynǵa jaıǵasqan.

Eske salsaq, budan buryn «Barys» elordada TsSKA komandasynan jeńilip qaldy.

Foto: hcbarys.kz