«Barys» búgin elordada TsSKA komandasymen kezdesedi
ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin elordada Reseıdiń TsSKA (Máskeý) komandasyna qarsy ótkizedi, dep habarlaıdy QazAqparat tilshisi.
Atalǵan oıyn búgin, 12 qańtarda elorda ýaqytymen 19:20-da bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 27 márte kezdesti. Onyń 9-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Qazir týrnır kestesinde elý oıynnan keıin 48 upaıǵa qol jetkizgen «Barys» 16-orynda keledi.
Al, qyryq segiz oıynnan keıin 67 upaı jınaǵan TsSKA 2-orynǵa jaıǵasqan.
Keıingi on kezdesýdiń beseýinde qazaqstandyq klýb jeńiske jetti.
Eske salsaq, budan buryn elordalyq klýb «Admıraldan» jeńilip qalǵan edi.
