«Barys» birqatar xokkeıshige kelisimshartty uzartýdy usyndy
ASTANA. QazAqparat - Astana qalasynyń «Barys» xokkeı klýby eki jyldyq kelisimshartty rásimdeýge qatysty usynysty birneshe xokkeıshige joldady, dep xabarlaıdy QazAqparat tilshisi.
«Qazaqstandyq klýbtyń quramynda jumysty jalǵastyrý týraly shaqyrýdy qaqpashy Pavel Polýektov, qorǵaýshylar Madııar Ibraıbekov pen Egor Shalapov, sondaı-aq shabýyldaýshylar Nıkıta Mıhaılıs, Nursultan Belgibaev, Dmıtrıı Grents, Kırıll Panıýkov, ıAroslav Evdokımov, Kırıll Savıtskıı, Dmıtrıı Gýrkov jáne Korı Trıvıno aldy», - delingen klýbtyń resmı xabarlamasynda.
Aıta keteıik, Qurlyqty xokkeı lıgasynyń sońǵy chempıonatynda «Barys» xokkeı klýby pleı-ofttyń ekinshi aınalymyna deıin jetken bolatyn. Biraq «Metallýrg» komandasynan utyldy. Al álem chempıonatynan keıin «Barys» pen ulttyq quramanyń bas bapkeri, Belarýs mamany Edýard Zankovets qyzmetinen ketýge sheshim qabyldaǵanyn málimdedi. Sebebi Qazaqstan quramasy oıdaǵydaı óner kórsete almaı, elıtalyq dıvızıonǵa almady.
