«Barys» bazaryndaǵy órtti sóndirýge 27 tehnıka jumyldyryldy - TJD
ALMATY. QazAqparat - «Barys-4» bazarynyń konteınerlerindegi órt sóndirildi, dep habarlaıdy QazAqparat tilshisi.
Eske sala keteıik, TJD baspasóz qyzmeti búgin tańǵy saǵat 4:31-de 101 pýltine Almaly aýdany Raıymbek batyr kóshesi 212v meken jaıynda órt shyqqany týraly habarlaǵan bolatyn .
TJD baspasóz qyzmeti ókili Sandýǵash Baımýhambetovanyń aıtýynsha, órt sóndirýshiler barǵanda konteınerler qatary órtke oranyp, jalyn ekinshi qabatqa kóshken. Jáne bazardyń shatyryn sharpı bastaǵan.
«Oqıǵa ornynda órtti sóndirý boıynsha shtab quryldy. Órtti sóndirý úshin mamandar ekige bólinip,olarǵa jeke-jeke mindetter júkteldi. Keıin órtke oranǵan azyq túlik saqtalǵan 7 konteıner ekeni anyqtaldy. Órt sóndirý kezinde 5 gaz ballony órt aýmaǵynan shyǵaryldy. Órt sóndirýshiler namazhana bólmesi men qoımany qyzyl jalynnan saqtap qaldy. Órt saǵat 05:40-ta aýyzdyqtalyp, 6:12-de tolyq sóndirildi. Jalyn 900 sharshy metr aýmaqty sharpyǵan. Órt sóndirý jumysyna 97 adam, 27 tehnıka jumyldyrylǵan», - dedi Baımuhambetova.
