«Barys» basshylyǵy Darren Dıtstiń klýbtan ketý sebebin aıtty
NUR-SULTAN. QazAqparat – QHL-da transferlik tereze jabyldy, «Barys» Darren Dıtstiń ornyna eshkimdi almady, dep habarlaıdy QazAqparat Sports.kz saıtyna silteme jasap.
«Barystan» kapıtannyń ketý sebebin baspasóz máslıhaty barysynda klýb prezıdenti Borıs Ivanışev aıtyp berdi.
«Darrenniń «Barysqa» da, Qazaqstanǵa da bergeni az emes, ol – otandyq hokkeıdegi belgili tulǵa, alaıda oǵan da, bizge de ári qaraı jyljıtyn ýaqyt týdy. Sońǵy kezderi ol halyq nazarynda boldy. Basqa oıynshylardyń da ózderin kórsetetin ýaqyty keldi, sol sebepti osyndaı sheshimge keldik. Birneshe tańdaý boldy, alaıda TsSKA dep sheshildi. (…) Biz bas jattyqtyrýshymen de, úsheýmiz de aqyldastyq. Oǵan da, klýbqa da eń qolaılysy osy boldy. Bizdiń oıynshylardyń damýyna da bul paıdaly, olar endi ózderin kórsete alady», - dedi Borıs Ivanşev.
Eske sala keteıik, qazaqstandyq «Barys» hokkeı klýbynyń qorǵaýshysy Darren Dıts reseılik TsSKA-ǵa ótti, qazaqstandyq tarap ótemaqy alady.
