«Barys» - «Avtomobılıst» oıynyn qaıdan kórýge bolady
NUR-SULTAN. QazAqparat - Búgin elordalyq «Barys» qurlyqtyq hokkeı lıgasynda Reseıdiń «Avtomobılıst» (Reseı) komandasymen oınaıdy, dep habarlaıdy QazAqparat tilshisi.
Eki komanda buǵan deıin 30 márte kezdesken. Onda «Barystyń» salmaǵy basym. Elordalyq klýb 19 márte jeńiske jetse, qalǵanynda qarsylasyna ese jiberdi. Taǵy bir aıta keterligi, sońǵy úsh kezdesýde «Barys» hokkeıshileri basym ekenin kórsetti. Qos klýb bıylǵy básekede tórt márte márte kezdesp úlgerdi. Úsh oıynda qazaqstandyq hokkeıshilerdiń mereıi ústem boldy.
Qazir týrnır kestesinde eki komanda qatarlas tur. «Barystyń» qorjynynda 69 upaı bolsa, «Avtomobılıst» klýby 65 upaıdy enshilegen. Olardyń elordalyq komandadan bir oıyny kem. Sondyqtan týrnır kestesindegi jaǵdaıyn jaqsartý úshin eki komanda da baryn salatyny anyq.
Oıyn elorda ýaqytymen 20.00-de bastalady. Kezdesý QazSport telearnasynan tikeleı efırde kórsetiledi.
«Barys» osylaısha syrt aıdynda ótken tórt oıyn serııasyn aıaqtap, elordaǵa oralady. elordada 30 qańtarda Reseıdiń «Neftehımık» (Nıjnekamsk) oınasa, 1 aqpanda «Avangard» (Omby) klýbymen kezdesedi.
Budan buryn «Barys» Reseıdiń Ýfa qalasynda jergilikti «Salavat ıÝlaev» komandasynan jeńilip qaldy.
