«Barys» - «Avtomobılıst» hokkeı matchyn qaıdan kórýge bolady
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti oıynynda Reseıdiń «Avtomobılıst» komandasymen kezdesedi, dep habarlaıdy QazAqparat tilshisi.
Ekaterınbýrg qalasynda ótetin match eki komanda arasyndaǵy 32 oıyn bolyp tabylady. Aıta keterligi, elordalyq klýb 21 kezdesýde jeńiske jetse, qalǵanynda qarsylasyna ese jiberdi. Sondaı-aq, komandalar bıyl bes márte muzaıdyn tórinde sheberlik baıqasty. Onyń tórteýinde «Barystyń» mereıi ústem boldy.
Qazir jalpy týrnır kestesinde qos komanda qatarlas keledi. Atap aıtqanda, 55 oıynnan keıin «Barys» 75 upaımen jetinshi, «Avtomobılıst» 70 upaımen segizinshi orynda tur .
Elordalyq klýb sońǵy úsh oıynda qatarynan úsh márte jeńiske jetti. Aldymen búgingi qarsylasy - «Avtomobılıstti» syrt aıdynda 4:2 esebimen jeńse, odan keıin elordada «Neftehımıkten» 2:1, «Avangardtan» 4:3 esebimen basym tústi.
«Avtomobılıst» jáne «Barys» komandalary arasyndaǵy kezdesý elorda ýaqytymen 20.00-de bastalady. Oıyn «Qazsport» telearnasynan tikeleı efırde kórsetiledi.
