«Barys» - «Avangard»: qazirgi esep - 1:1
ASTANA. 1 aqpan. QazAqparat - Dál qazir Astanadaǵy «Qazaqstan» sport kesheninde «Barys» hokkeı klýby «Avangardty» (Omby oblysy) qabyldaýda.
Oıynnyń birinshi kezeńi 1:1 esebimen aıaqtaldy. Kezdesýdiń 6-shy mınýtynda Vadım Krasnoslobodtsevtyń kómegimen Fedor Polışýk qarsylas komandanyń qaqpashysyn qapy qaldyryp, esepti ashty. Al 14-shi mınýtta Tomash Zaborskı «Barystyń» qaqpasyna shaıbany kirgizip, tarazy basyn teńestirdi. Negizi, bul shaıbany esepke almaýǵa bolar edi. Sebebi ol «Avangard» hokkeıshisiniń konkıine tıip kirdi.. Alaıda bas tóreshiler - Sergeı Karabanov jáne Pavel Komarov ony esepke alǵandy jón dep sanady.
Ázirshe, esep - 1:1. Aıta keteıik, «Shyǵys» konferentsııasynda «Avangard» kósh bastap tur. Al jalpy týrnırlik kestede ol 101 upaımen ekinshi orynda ornalasty.
