«Barys» Astanada qytaılyq «Kýnlýn» komandasyn jeńdi
ASTANA. KAZINFORM - Astanalyqtar úshin óz alańyndaǵy oıyn jeńispen aıaqtaldy. Esep 4:1, dep habarlaıdy sports.kz.
Oıynnyń alǵashqy kezeńiniń úshinshi mınýtynda «Barys» komandasynyń shabýyldaýshysy Nıkıta Ivanov esepti ashty, al, besinshi mınýtta Kem Barker astanalyqtardyń jeńisin eseleı tústi.
Kelesi 20 mınýtta qytaılyq komanda ókilderi tek 1 ǵana shaıba sala aldy. Bul jetistik Damen Flerıdiń úlesinde. Bul kezde «Kýnlýn Red Star» komandasynyń ese qaıtarýǵa áli múmkindigi bar bolatyn. Alaıda, astanalyqtar óz alańdaryna tolyq ıelik ete aldy. Olar qytaılyqtarǵa eshqandaı múmkindik bermedi. Kelesi kezekti shaıbany qarsylastarynyń qaqpasyna «Barys» komandasynyń múshesi Naıdjel Doýs pen Roman Starchenko saldy.
Osylaısha, «Barys» Shyǵys konferentsııasynyń reıtınginde 8-shi qatardan oryn aldy. Bul óz kezeginde komandaǵa pleı-off kezeńine joldama beredi.
