«Barys Arenadaǵy» muz aıdynynda Qazaqstannyń eń úlken Týy ashyldy
ASTANA. QazAqparat – Elordalyq «Barys» pen reseılik «Vıtıaz» arasyndaǵy hokkeı matchy aldynda muz alańynda Qazaqstannyń eń úlken Týy ashyldy, dep habarlaıdy QazAqparat tilshisi.
Jibek jipten toqylǵan Týdyń aýdany 800 sharshy metr, salmaǵy shamamen 60 keli. Sondyqtan alyp Týdy alańǵa ornalastyrý úshin 30 erikti shaqyrylǵan.
Mundaı shara hokkeı klýbynyń tarıhynda alǵash ret ótkizilip otyr. Aktsııanyń maqsaty – hokkeı jankúıerleriniń patrıotızmine qoldaý bildirý.
Іs-shara rasymen de áserli ótti. Birinshiden, Memlekettik tý muz alańynyń kóp bóligin alyp turdy. Ekinshiden, onyń ashylýy aq tústi ulttyq kıim kıgen qyz balalardyń horymen súıemeldendi.
«Ashyq aspan» aktsııasyn uıymdastyrýshylardyń biri Tilek Kanalınniń aıtýynsha, mundaı úlken kólemdegi baıraqty jasaýǵa eki aptaǵa jýyq ýaqyt ketken.
Eske salaıyq, Respýblıka kúni merekesi qarsańynda kásibı parashıýtshi Oleg Toşev ushaqtan parashıýtpen sekirý kezinde kólemi 800 sharshy metr bolatyn Qazaqstannyń eń úlken Týyn áýede ashqan bolatyn. Osylaısha ol Qazaqstan rekordtar kitabyna endi.
