«Barys» «Aq Barspen» kezdespeıdi
ASTANA. QazAqparat - Qurlyqtyq hokkeı lıgasynyń pleı-off kezeńinde novosibirlik «Sibir» komandasy qazandyq «Aq Barstan» basym túsip, kelesi kezeńge shyqty. Eki komanda arasyndaǵy altynshy oıynda «Sibir» hokkeıshileri 3:2 (0:0, 0:2, 2:0) esebimen overtaımda jeńiske jetti, dep habarlaıdy kazsporttv.kz.
Bul «Sibir» komandasynyń tórtinshi jeńisi boldy. Olar qazandyq hokkeıshilerden serııada 4:2 esebimen basym túsip, pleı-off kezeńiniń ekinshi aınalymyna alǵash ret joldama aldy. Aıta keteıik, «Aq Barys» ekinshi aınalymda «Barysqa» qarsylas atanýy múmkin edi. Endi qazaqstandyq klýb tek Nıjnıı Novgorod qalasynyń «Torpedosymen» nemese ýfalyq «Salavat ıÝlaev» komandasymen kezdesedi. Ázirge serııada 3:2 esebimen ýfalyq hokkeıshiler alda keledi. Esterińizge sala keteıik, «Barys» pleı-off kezeńiniń alǵashqy aınalymynda Ekaterınbýrg qalasynyń «Avtomobılıst» komandasyn 4:0 esebimen utqan.
