«Barys» 10 oıyn qatarynan qarsylas shydatpaǵan TsSKA-ny jeńisti jolynan jańyldyrdy
ASTANA. QazAqparat - Astananyń «Barysy» QHL jyl saıynǵy chempıonaty aıasynda óz aıdynynda máskeýlik TsSKA komandasyn 4:0 esebimen jeńip ketti. Osylaısha jerlesterimiz 10 oıyn qatarynan qarsylas shydatpaǵan TsSKA-ny jeńisti jolynan jańyldyrdy, dep jazady tass.ru.
«Barys» sapynda shaıba salǵan oıynshylar: Vıacheslav Trıasýnov (3-mınýt), Evgenıı Rymarev (27), Naıdjel Doýs (43) jáne Roman Starchenko (56).
TsSKA úshin bul jeńilis - osy maýsymdaǵy ekinshi sátsiz oıyn. Birinshi ret olar «Metallýrgten» utylǵan.
TsSKA batys konferentsııada kósh bastap tur: 12 matchtan keıin 30 upaı jınaǵan. Al «Barys» shyǵys konferentsııada 14-shi orynda tur. 9 matchtan keıin 10 upaı oljalaǵan.
23 qyrkúıek kúni TsSKA syrt aıdynda fındik «Iokerıtpen» kezdesedi. «Barys» bolsa, 25 qyrkúıekte máskeýlik «Spartakpen» syrt aıdynda oınaıdy.
