Barymtashylar Qyrǵyzstannan bir úıir jylqy aıdap ótpek boldy

ASTANA. QazAqparat - Qazaq-qyrǵyz shekarasynda 18 bas jylqy ustaldy. Al olardy aıdap ótpek bolǵandar izderin sýytty, dep habarlaıdy QazAqparat.

QR UQK Shekara qyzmetinen málim etkendeı, maldy salt atty úsh adam aıdap ótpek bolǵan.

«Taraz shekara jasaǵynyń «Jas órken» shekara beketinde 18 bas jylqy ustaldy. Maldar Qyrǵyzstannan Qazaqstanǵa aıdalyp ótpek bolǵan. Shekara jasaǵy jylqylardy ustaı bastaǵanda barymtashylar irgeles eldiń aýmaǵyna boı tasalap úlgerdi», - delingen habarlamada.

Atalmysh fakti týraly Talas oblysynyń quqyq qorǵaý organdary habardar etildi. Mal sharýa qojalyǵyna saqtaýǵa berildi.