Barymtashylar 17 iri qarany dalada atyp alyp, etti Nur-Sultan bazarlarynda satqan
Vedomstvonyń málimetinshe, bıylǵy jylǵy qarashanyń 16-da «Barymtashy» jedel-aldyn alý is-sharasy barysynda oblystyq Polıtsııa departamenti Krımınaldyq polıtsııa basqarmasy men Jedel áreket etýdiń arnaıy jasaǵy, sondaı-aq Atbasar aýdandyq PB Krımınaldyq polıtsııa bóliminiń qyzmetkerleri jergilikti kásipkerdiń iri qara malyn urlaǵan úsh kúdiktini qolǵa túsirdi. Kúdiktiler 29-42 jas aralyǵyndaǵy jergilikti turǵyndar, olardyń bireýi buryn qylmystyq jaýapqa tartylǵan.
«Jábirlenýshi qazannyń 25-de Atbasar aýdanynyń PB kezekshilik bólimine aryzben júgingen. Er adamnyń sózinshe, qazannyń 22-de malshy oǵan maldyń joǵalǵanyn aıtqan. Joǵalǵan malyn óz kúshimen izdegen ol 17 bas iri qarany dalada soıyp áketkenin anyqtady. Keltirilgen shyǵyn kólemi 8 mıllıon 500 myń teńgeni qurady», - dedi vedomstvodan.
Osyǵan baılanysty Qylmystyq kodekstiń 188-1 babynyń 4-bóligi «Mal urlyǵy» boıynsha sotqa deıingi tergeý amaldary qolǵa alyndy.
«Kúdiktiler TOZ-8 markaly usaq kalıbrli vıntovkamen 17 bas iri qarany atyp alǵan. Nur-Sultan qalasynyń Polıtsııa departamenti Jedel basqarý ortalyǵynyń beınekameralary arqyly urylardyń urlaǵan mal etin elorda bazarlaryna tasymaldaǵan kólik anyqtaldy», - dedi vedomstvodan.
