Barsha el otanymyzdyń damýyna úles qosýǵa talpynyp otyrǵan kásipkerlerdi qoldaýy tıis - Memleket basshysy
ASTANA. Jeltoqsannyń 2-si. QazAqparat /Rýslan Ǵabbasov/ - Barlyq otandyq bıznes úshin qoǵamdyq ıgi isterge jumys isteýge ýaqyt jetti.
Bul týraly búgin Astanada bıznestiń áleýmettik jaýapkershiligi jónindegi «Paryz» baıqaýynyń júldegerlerin marapattaýǵa arnalǵan sharada Elbasy Nursultan Nazarbaev málim etti, dep habarlaıdy QazAqparat.
Halyqtyń máselesin sheship, el azamattarynyń jaǵdaıyn jaqsartýǵa úles qosqandar naǵyz kásipker bolyp sanalatynyn aıtyp ótken Memleket basshysy, «Barlyq otandyq bıznes úshin qoǵamdyq ıgi isterge jumys isteýdiń ýaqyty jetti dep sanaımyn. Barsha el otanymyzdyń damýyna úles qosýǵa talpynyp otyrǵan kásipkerlerdi qoldaýy tıis», dedi Memleket basshysy.
N. Nazarbaev elimizdiń qoǵamy úshin naqty qundylyqtar quryp, jalpy ulttyq baılyqty arttyryp, qazaqstandyqtardyń otbasyna yrys jetkizip otyrǵan bıznesmenderge senim artyp, olarǵa syılastyqpen qaraý kerektigin atap ótti.
