«Barselonanyń» stadıony qaıta jóndeýden ótedi
ASTANA. QazAqparat - Katalonııalyq «Barselona» komandasynyń jankúıerler klýbynyń músheleri «Kamp Noý» stadıonyn qaıta jóndeý jobasyna qoldaý bildirip daýys berdi.
Sporttyq nysandy jańartý úshin jankúıerlerdiń 72 paıyzy daýys bergen. Osy máselege baılanysty referendýmǵa klýb músheleriniń 31,65 paıyzy kelgen, dep habarlaıdy ITAR-TASS.
«Qazir biz stadıondy qaıta qurýmen aınalysatyn táýelsiz komandany jasaqtaıtyn bolamyz. Al 2021 jyly «Barselonada» jańa stadıon bolady», - dedi «Barselona» fýtbol klýbynyń prezıdenti Hosep Bartomeý.
«Kamp Noý» stadıony 1957 jyldyń 24 qyrkúıeginde salynǵan. Sol kezden beri onda «Barselona» óz matchtaryn ótkizip keledi. Qazirgi tańda bul Eýropadaǵy eń úlken stadıon.
