«Barselonanyń» bas jattyqtyrýshysy qyzmetinen ketti
ASTANA. QazAqparat - Ispandyq «Barselonanyń» bas jattyqtyrýshysy Herardo Martıno laýazymymen qoshtasty, dep habarlady klýbtyń baspasóz qyzmeti. Komandanyń resmı saıtynda naqtylanǵandaı, kelisim-shart taraptardyń ózara kelisimimen úzildi.
Martıno chempıonattyń qorytyndy matchynan keıin chempıon ataǵyna qol jetkize almaǵan ýystan shyǵyp ketken múmkindikke ókinish bildirip, barlyq jankúıerlerden keshirim surady. Ol sondaı-aq ózine qoldaý kórsetkenderdiń bárine alǵys aıtty.
Ol komandany 2013 jylǵy jazdan basqardy jáne onymen Ispanııa Sýberkýbogyn oınady. Alaıda onyń basshylyǵyndaǵy komanda maýsymdy sátsiz ótkizdi, mańyzdy matchtarda qarymdylyq kórsete almady.
«Atletıkomen» matchta «Barselona» teń oınady, biraq ta ekinshi orynǵa shyqty, al madrıdtikter chempıondyqty ıemdendi. Chempıondar lıgasynda da shırekfınaldaǵy eki kezdesýde, Ispanııa Kýbogynyń fınalynda katalondyqtar «Realǵa» jol berdi.
Chempıonattyń qorytyndy matchynda «Atletıkomen» teń oınaǵannan keıin «Barselonanyń» jartylaı qorǵaýshysy Andres Inesta bıylǵy maýsymdy sátsiz dep atady.
