«Barselonaǵa» jańa bapker keledi
ASTANA. QazAqparat - «Barselonanyń» bas bapkeri Lýıs Enrıke maýsym aıaqtalǵannan keıin katalondyq klýbtan ketetinin málimdedi. 46 jastaǵy maman fýtboldan azdap demalatynyn atap ótti, dep habarlaıdy reseılik «Sport Ekspress » saıty.
- Men «Barselonadan» osy maýsym aıaqtalǵan soń ketemin, - dep jazady klýbtyń Týıtterdegi resmı paraqshasy Lýıs Enrıkeniń sózin keltire otyryp. - Sońǵy úsh jyl boıy klýbtyń maǵan senim artqany úshin alǵys aıtamyn.
Ispandyq maman «Barselonany» 2014 jyldan jattyqtyryp keledi. Onyń basshylyǵymen klýb 8 tıtýldy jeńip aldy: Chempıondar lıgasy (2014/15), Ispanııa birinshiligi (2014/15, 2015/16), Ispanııa Kýbogy (2014/15, 2015/16), Ispanııa sýperkýbogy (2016), ÝEFA sýperkýbogy (2015), Álemniń klýbtyq chempıonaty (2015).
