«Barselonadaǵy» qazaqstandyq výnderkınd UFC-diń úzdik jaýyngerimen kezdesti
ASTANA. KAZINFORM - Belgili «La Masııa» akademııasynyń 15 jastaǵy tárbıelenýshisi Karım Mendıkanov óziniń áleýmettik jelisinde aralas jekpe-jektiń juldyzdy jaýyngeri Arman Tsarýkıanmen birge túsken sýretin jarııalady.
Kezdesý Katalonııada ótti, oǵan UFC-diń jeńil salmaǵy boıynsha kóshbasshy atanǵan sportshy «El-Klasıko» teketiresiniń qurmetti qonaǵy retinde kelgen edi. Arman Tsarýkıan ıspanııalyq grandtyń sporttyq bazasynda júrgen Karım Mendıkanovpen kezdesti.
Jekpe-jek sheberi jas jartylaı qorǵaýshy jóninde jyly lebizin bildirdi. Ony «Barselonadaǵy» qazaq fýtbolynyń jaryq juldyzy dep baǵalady jáne ázilmen Karım katalondyqtardyń negizgi quramyna engen kezde oǵan matchqa bılet taýyp bere ala ma dep surady.
Mendıkanovtyń ózi sýret astyna qysqa ǵana «Ańyzben túsken foto. Kóp raqmet» degen qysqa jazba qaldyrdy.
Eske salsaq, Oral qalasynyń týmasy Karım Mendıkanov «Barselona» qurylymymen úsh jyldyq kelisimshartqa qol qoıǵan alǵashqy qazaqstandyq fýtbolshy retinde tarıhqa endi. Qazir jartylaı qorǵaýshy klýbtyń jasóspirimder komandasynda (U-16) nátıjeli oıyn kórsetip keledi. Sondaı-aq ol elimizdiń sol jastaǵy Qazaqstan quramasyna únemi shaqyrtý alady.
Al Arman Tsarýkıan UFC-degi kezekti tıtýldyq jekpe-jegine qyzý daıyndyǵyn jalǵastyryp jatyr.
Aıta ketsek, qazaqstandyq balýandar Nılýfar Raımova men Zeınep Baıanova áıelder kúresinen Astanada ótip jatqan álem chempıonatynyń shırek fınalyn sátti ótkizdi.
