Barselonada jappaı tártipsizdikter bastaldy, 100-ge jýyq adam ustaldy
ASTANA. KAZINFORM — 24 qazan, senbi kúni keshke Ispanııanyń Barselona qalasynda jastar narazylyq aktsııasyn uıymdastyryp, onyń arty polıtsııamen qaqtyǵysqa ulasty, qala ortalyǵynda órt tutanyp, dúkender tonaldy, dep habarlaıdy Kazinform agenttiginiń menshikti tilshisi.
Katalonııa ishki ister mınıstri Nýrııa Parlonnyń aıtýynsha, shamamen 100 adam ustaldy, olardyń tórtten biri kámeletke tolmaǵandar.
Narazylardyń kópshiligi qara kıim kıip, betterin jaýyp, qoqys jáshikterin, velosıpedter men mototsıklderdi órtep, qalalyq ınfraqurylymdy búldirip, Plaza de Catalunya aýmaǵyndaǵy dúkenderdi tonaǵan.
Barlyǵy 30-dan astam jerge órt qoıylyp, 14 dúken tonalyp, zaqymdalǵan.
Narazylyq aktsııasy áleýmettik jeliler arqyly «Institut Indignats» (Ashýly lıtseıler) uranymen uıymdastyryldy. Osylaısha, Frantsııada bastalǵan narazylyq tolqyny Katalonııaǵa da jetip otyr.
Alaıda, Ispanııadaǵy narazy top tarapynan naqty talaptar aıtylǵan joq, olar jalpy júıege qarsy ekenin bildirip júr. Polıtsııa jınalǵandardy taratý úshin kúsh qoldandy. El Corte Inglés ýnıvermagy sekildi dúkender esigin jabýǵa májbúr boldy, keıbir dúkenderde tipti satyp alýshylar qalyp qoıǵan.
Barselona meri Jaýme Kollbonı vandalızm jazasyz qalmaıtynyn jáne onyń saldary eresek qatysýshylarǵa da, kámeletke tolmaǵandardyń ata-analaryna da ońaıǵa soqpaıtynyn málimdedi. Katalonııa bıligi bul oqıǵany aıyptap, tártipsizdikterdi uıymdaspaǵan toptar jasaǵanyn atap ótti.
Barselonadaǵy oqıǵalarǵa deıin Eýropanyń birqatar elinde áleýmettik shıelenis artqan bolatyn.
Senbide Italııa men Frantsııada jappaı narazylyqqa baılanysty qaýipsizdik kúsheıtildi.
Parıj kóshelerine 110 myń adam narazylyq sherýine shyqty.
