Barselonada myńdaǵan adam baspana jaldaý quny qymbat dep ereýilge shyqty

ASTANA. KAZINFORM — Búgin Ispanııanyń Barselona qalasynda birneshe myńdaǵan adamnyń qatysýymen sherý ótti. Oǵan qatysýshlar týrıstik megapolıstegi baspanany jalǵa alý qunyn tómendetýge shaqyrýda. Bul Kazinform-nyń menshikti tilshisi habarlady.

Jergilikti Jalǵa alýshylar odaǵy uıymdastyrǵan narazylyq sharasy búgin Barselonanyń Ýnıvesrıtettik alańynda Madrıd ýaqytymen shamamen 17-00-de bastaldy. Sherdi 4 myńnan astam uıym, 60 komıtet, 2 myńnan astam adam qatysty.

Narazylyq sharasyna qatysýshylar jalǵa alý qunyn 50 paıyzǵa tómendetýden bólek mynadaı talaptar qoıyp otyr: jalǵa alýshylardyń quqyqtaryn qamtamasyz etý jáne alypsatarlyq satyp alýlardy tııý úshin merzimsiz kelisimsharttardy ilgeriletý.

«Bizdiń qalamyzǵa ártúrli ınvestorlar kelip, „Monopolııa“ oıynyndaǵydaı páterlermen oınamaýy tıis», — dep málim etti sherý aldynda sóz sóılegen Jalǵa alýshylar odaǵynyń ókili Karme Arkaraso.

Barselona álemde týrıster úshin óte tartymdy qalalardyń biri sanalady. Sondyqtan da sońǵy 10 jyldyń ishinde qalada páterlerdi jalǵa alý quny 68, al satylatyn úılerdiń baǵasy 38 paıyzǵa qymbattap otyr. Osyǵan baılanysty jergilikti turǵyndar narazy. Óıtkeni, jastar men jas otbasylar jańa baspana satyp ala almaıdy.