Barselonada Qazaqstannyń týrıstik áleýeti tanystyryldy
ASTANA. QazAqparat - «Kazakh Tourism» UK» AQ Barselonada Qazaqstannyń iskerlik jáne oqıǵaly týrızm áleýetin tanystyrdy, dep habarlaıdy QazAqparat.
Barselonada «Kazakh Tourism» UK» AQ «IBTM World» 2018 kórmesiniń aıasynda kezekti roýd-shoý (workshop) ótkizdi.
Bul is-shara aıasynda Qazaqstannyń iskerlik jáne oqıǵaly týrızm salasyndaǵy áleýeti kórsetildi. Oǵan bul salada jumys isteıtin qazaqstandyq kompanııalar, sondaı-aq 50-den astam halyqaralyq hosted buyers qatysty.
Kórmeniń birinshi jumys kúni ITBM terrıtorııasynda Qazaqstannyń iskerlik jáne oqıǵaly týrızm baǵyttarynyń áleýeti tanystyryldy. Prezentatsııadan keıin B2B sessııasy jelilik formatta ótti, onda uıymdastyrýshylar men otandyq kompanııalar eldegi MICE týrızminiń erekshelikteri, qazaqstandyq týrıstik ónim týraly aıtyp, aldaǵy oqıǵalar men basqa da derekter týraly aqparat almasty.
Іs-sharanyń maqsaty - Qazaqstandy MICE týrızmniń destınatsııasy retinde ilgeriletý. Osyǵan baılanysty roýd-shoý aıasynda potentsıaldy «satýshylar» men «satyp alýshylar» kezdesetin platforma quryldy. «Satýshylar» retinde iskerlik jáne týrıstik týrızm salasynda jumys isteıtin qazaqstandyq kompanııalar bolsa, al «satyp alýshylar» retinde ıvent-agenttikter jáne sheteldik týroperatorlar boldy.
Roýd-shoýdyń qorytyndysy boıynsha elimizde ótkiziletin halyqaralyq is-sharalar sanynyń artýy kútilip otyr, sonyń saldarynan Qazaqstanǵa bıznes-týrıster aǵyny da artady.
