Barselonada elektr poezy apatynan 48 adam zardap shekti
ASTANA. QazAqparat - Barselonada elektr poezy apatynan keminde 48 adam zardap shekti, dep habarlaıdy TASS.
Barselonada Franýkz vokzalynyń stantsııasynda elektr poezy platformaǵa soqtyǵysyp, sonyń saldarynan birneshe ondaǵan adam jaraqat aldy, dep habarlaıdy El Mundo.
Poıyz San-Vısens-de-Kalders stansasynan Katalonıanyń Tarragon provıntsııasyna bet alǵan.
Basylymnyń deregi boıynsha, poezd stansaǵa jetken kezde toqtaı almaı, platformaǵa baryp soǵylǵan. Poıyz aıtarlyqtaı zaqymdanǵan. Áleýmettik jelilerdegi sýretterde onyń aldyńǵy bóliginiń qatty búlingeni baıqalady.
Apat saldarynan 18 adam aýrýhanaǵa jetkizilip, onyń beseýi, sonyń ishinde mashınıstiń jaǵdaıy aýyr ekendigi anyqtaldy. Taǵy 30 zardap shegýshi medıtsınalyq kómekke muqtaj. Qaza tapqandar týraly málimet joq.
