Barselonada búkil qala boıynsha tegin Wi-Fi qyzmeti engiziledi
ASTANA. QazAqparat - Barselonada bara-bara búkil qala boıynsha tegin Wi-Fi qyzmeti engizilmekshi, dep jazady Rosbalt.
Jaqyn arada atalǵan qyzmet túri 12 000 meıramhanada, metro stansalarynda, qalalyq avtobýstarda, saıabaqtar, bazarlar men kemejaılarda qoljetimdi bolady.
Qalanyń meri Haver Trıas Barselonanyń álemdegi eń úlken wi-fi jelisi bar qalaǵa aınalatynyn atap ótip, atalǵan bastamanyń mekemelerdiń básekege qabilettiliginiń artýyna septigin tıgizip, klıentteriniń kóńilinen shyǵatynyna senimin bildirdi.
Bılik qazirgi ýaqytta wi-fi jylý nemese salqyndatqysh sekildi asa qajetti quralǵa aınalǵan. Sondyqtan qala ákimshiligi qoǵamdyq kólikterde, qalalyq saıabaqtarda wi-fi qyzmetin ornatý úshin 3,6 mln. eýro bólýdi qarastyrýda.
2016 jyly 1130 avtobýs pen metronyń 16 stansasy wi-fi qyzmetine qol jetkizedi. Kóp uzamaı olarǵa Barselona kemejaıynyń 11 aılaǵy men 21 qalalyq bazar qosylady.
Jalpy alǵanda wi-fi-dyń qazirgi qyzmet etip turǵan 664 núktesine taǵy 1527-si qosylady.
Qazirgi ýaqytta Barselonada tegin wi-fi qyzmetin paıdalanyp otyrǵandardyń sany aıyna 100 myń adamdy quraıdy.
