«Barselona» - «ıÝventýs»: Ronaldýdyń qos doby týrındik klýbqa jeńis áperdi

Bul álemdegi eń betkeustar oıynshylar Lıonel Messı men Krıshtıaný Ronaldý arasyndaǵy kezekti báseke edi.

G tobynda qos komandanyń birinshi aınalymyndaǵy oıyny 28 qazanda Týrınde ótip, onda «ıÝventýs» «Barselonaǵa» 0:2 esebimen ese jibergen edi. Kezdesý sońynda L.Messı 11 metrlik aıyp dobyn dál oryndap, matchty túıindegen edi. Biraq ol oıynǵa Ronaldý qatyspaǵan bolatyn.

Bul joly Messı de, Ronaldý da alańǵa shyǵyp, kim myqty ekendigin dáleldeýge tyrysty.

Barselonadaǵy «Kamp Noý» stadıonynda ótken oıynda Ronaldý 13-mınýtta penaltıden esep ashty. 7 mınýttan keıin Ýeston Makkennı mergendik tanytyp, 2:0-ge jetkizdi. Ekinshi taımda 52-mınýtta Ronaldý taǵy bir penaltıden múlt ketken joq. Osylaısha «ıÝventýs» 3:0 esebimen qarymta qaıyrdy.

Messıdiń gol soǵyp, kózge túsýine ataqty ıtalııalyq qaqpashy, 42 jastaǵy Djanlýıdjı Býffon múmkindik bermedi.

Bul toptan «ıÝventýs» pen «Barselona» chempıondar lıgasynyń 1/8 fınalyna joldama aldy. Majarstandyq «Ferentsvaroshty» 1:0 esebimen utqan Kıevtiń «Dınamosy» Eýropa lıgasynda oınaıtyn boldy.

F tobynda sońǵy týrda Sankt-Peterbýrgte «Zenıtti» (2:1) tize búktirgen Dortmýndtyń «Borýssııasy» jeńimpaz atandy. Óz alańynda belgııalyq «Brıýggemen» (2:2) teń oınaǵan ıtalııalyq «Latsıo» ekinshi orynǵa ıe boldy. «Brıýgge» Eýropa lıgasynda baq synaıdy.

E tobynda aǵylshyndyq «Chelsı» men ıspanııalyq «Sevılıa» úzdik shyqty. Reseılik klýbtar ishinde sátti oınaǵan «Krasnodar» Eýropa lıgasynda dop teppek.

H tobynda germanııalyq «Leıptsıg» aǵylshyndyq «Manchester ıÝnaıtedti» 3:2 esebimen jeńip, ony Eýropa lıgasyna jiberdi. Frantsııalyq «PSJ» men túrkııalyq «Ystanbul Bashakshehır» arasyndaǵy matchta tóreshiniń ulttyq kemsitý baǵytyndaǵy sózine baılanysty janjal shyǵyp, ótpeı, keıinge qaldy. Soǵan qaramastan, frantsııalyq klýb ekinshi orynnan kórindi.

Qalǵan toptardaǵy básekeler sársenbi kúni ótedi.

Eske sala keteıik, budan buryn Qazaqstan quramasynyń alǵashqy matchyn álem chempıonymen ótkizetinin jazǵan bolatynbyz.