«Barselona»-«Real» eki alpaýyttyń matchy katalonııalyqtardyń paıdasyna aıaqtaldy
ASTANA. QazAqparat - «Barselona» Ispanııa chempıonatynyń 33-inshi týrynda «Realǵa» qarsy matchta jeńiske jetti.
Osy kezdesýden keıin komandalar upaı sandaryn teńestirdi.
23 sáýir kúni keshke Madrıdte ótken match «Barselona» paıdasyna 3:2 esebimen aıaqtaldy.
29 jastaǵy Messı madrıdtik «Realdyń» qaqpasyna eki gol salyp, komandasyn jeńiske jetkizdi. Bul matchtan keıin «Barselona» chempıonat aıasynda ótkizgen 33 oıynda barlyǵy 75 upaı jınap, týrnırlik kestede «Realdy» basyp ozdy. Madrıdtikterde zapasta taǵy bir match bar, olardyń jınaǵan upaı sandary da - 75. Alaıda «Real» qosymsha kórsetkishter boıynsha artta qalyp otyr.
TASS agenttiginiń jazýynsha, atalmysh kezdesýde Messı «Barselona» úshin oınaǵan barlyq týrnırlerdegi 500-inshi golyn soqty. Ispanııa chempıonatynda argentınalyq fýtbolshy «Barselona» úshin 343 gol (377 matchta), Ispanııa kýbogynda - 43 (61), eýrokýboktarda - 94 (115) jáne ózge týrnırlerde 20 (24) gol soqty.
Messı 13 jasynda «Barselonanyń» jastar komandasyna oınaı bastady. Klýbtyń negizgi quramyna 2004 jyldyń 16 qazanynda qosyldy.
