«Barselona» óz stadıonynyń ataýyn rekordtyq somada satqaly jatyr
ASTANA. QazAqparat - «Barselona» óziniń «Kamp Noý» stadıonynyń ataýyn ózgertýi múmkin. Bul sport tarıhyndaǵy rekordtyq mámile bolmaq, dep habarlaıdy CCMA teleradıokompanııasy.
Budan buryn atalmysh klýbtyń osyǵan baılanysty farmatsevtıkalyq kompanııalardyń birimen kelisim jasap jatqany aıtylǵan bolatyn.
Eger taraptar kelisimge keler bolsa, arenaǵa kompanııanyń ataýy qosylyp jazylatyn bolady. Kelisimshart 30 jylǵa eseptelgen. Ázirge soma kólemi jaıly aıtylmaı otyr. Biraq rekordtyq bolatyndyǵy anyq.
Qazirgi ýaqytta eń joǵary mámile "Nıý-Iork Djets" jáne "Nıý-Iork Djaıents" klýbtaryna tıesili. Olar óz arenalarynyń ataýyn ózgertý týraly 338,6 mıllıon eýroǵa eseptelgen kelisimshartqa qol qoıǵan. Kelisim 25 jylǵa eseptelgen.
