«Barselona» oıynshysynyń koronavırýsqa tapsyrǵan testi 26 ret oń bolyp shyqty
NUR-SULTAN. QazAqparat – «Barselona» oıynshysy Serhı Roberto eki aı boıy fýtbol alańynda alǵan jaraqatynan, al odan keıin koronavırýs juqtyrýy saldarynan orala almaǵan, dep habarlaıdy QazAqparat Football Espana saıtyna silteme jasap.
Derekkózdiń málimetinshe, fýtbolshy koronavırýsty qarasha aıynda, oń jaq aıaǵy jaraqattanǵan kezde juqtyryp alǵan. 28 jastaǵy oıynshy koronavırýsqa tapsyrǵan testi 26 ret oń bolyp shyqty, tek 27-inshisi ǵana teris bolǵan.
Serhı Roberto alańǵa 2020 jyldyń 21 qarashasynan 2021 jyldyń 31 qańtaryna deıin shyqpaǵan. 31 qańtarda ol Ispanııa chempıonaty 21-inshi týrynyń matchynda «Atletıkaǵa» qarsy ekinshi taımnyń ortasynda ǵana oınady. Fýtbolshynyń kók-anarlylarmen qazirgi kelisimsharty 2022 jylǵa deıin eseptelgen. Robertonyń transferlik quny 25 mıllıon eýroǵa baǵalanady.
