Barselona ortalyǵynda kólikpen júrýge tyıym salyndy
NUR-SULTAN. QazAqparat –Barselona ortalyǵynda avtokólikter qozǵalysyna tyıym salyndy, sonymen qatar qala ortalyǵynda qoǵamdyq kóliktiń jyldamdyǵy 10 m/s aspaý kerek, dep jazady QazAqparat VVS-ge silteme jasap.
«Qala ortalyǵynda qozǵalys múldem joq. Burynǵy avtoturaq oryndary oıyn alańdaryna aınalyp, aǵash otyrǵyzylyp, júgirý joldary paıda boldy. Qala ortalyǵynda aýanyń lastanýynan júzdegen adamnyń ómirin qorǵak maqsatynda arnaıy joba iske asyryla bastady. Bolashaqta bul joba basqa qalalarda da júzege asyrylmaq», dep jazady basylym.
Avtordyń aıtýynsha, qala ortalyǵynda avtokólik qozǵalysyna múldem tyıym salynǵan, al qoǵamdyq kóliktiń jyldamdyǵy saǵatyna 10 km jyldamdyqtan aspaýy tıis. Al arnaıy avtoturaqtar jer astyna kóshirilgen.
«Keıbir turǵyndar bul jobaǵa qarsy shyqty. Olar kólikterin úıiniń janyna qoıǵysy keletinin aıtýda. Sonymen qatar kólik qozǵalysynyń azaıýy saýda-sattyqqa da keri áser etetinin aıtýshylar bar. Degenmen, bul ıdeıa Sıetl sııaqty qalalarda suranysqa ıe boldy», dedi ol.
Barselona meriniń orynbasary Djanet Santstyń aıtýynsha, búkil qala boıynsha qoǵamdyq oryndardyń 60 paıyzyn avtokólikter alyp tur.
Bul joba Bordo, Edınbýrg, Florentsııa, Manchesterde de iske qosylǵan.
«Bizdiń oıymyzsha, tehnologııalar azamattarǵa qalalardaǵy ómir sapasyn jaqsartý úshin qyzmet etýi tıis, al qazir kerisinshe kedergi keltirip, zııan tıgizýde», deıdi tsıfrlyq ınnovatsııa komıssary Maıkl Donaldson.
