Barselona men Kambrılste terakti uıymdastyrǵandar taǵy bir shabýyl josparlaǵan
ASTANA. QazAqparat - Beısenbi kúni keshkisin Barselona men Kambrılste terakti uıymdastyrǵandar gaz ballonyn jarý arqyly taǵy bir shabýyldy josparlaǵan. Bul týraly Reuters agenttigi habarlady.
Katalonııa tergeýshileriniń deregi boıynsha, eki teraktini jasady degen kúdik keltirilip otyrǵan uıymnyń quramynda kem degende segiz sodyr bar. Sársenbiden beısenbige qaraǵan túni Alkanar eldi mekeninde jarylys bolyp, saldarynan bir adam kóz jumdy, taǵy jeteýi zardap shekti.
Tergeýshilerdiń paıymynsha, bul adamdar beısenbi kúni shabýyl jasaǵan uıymǵa qatysy bolýy múmkin jáne sol kúni býtanmen toltyrylǵan ballondardy jarýdy josparlaǵan.
«Olar (kúdiktiler) jarylǵysh zat daıyndady dep esepteımiz», - dep habarlady polıtsııa ókili. Sondaı-aq ol Alkanarda teraktini jasady degen kúdikpen bir adamnyń ustalǵanyn málimdedi.
