«Barselona» men «Arsenal» sapynda oınaǵan fýtbolshy «Qaıratqa» kelmek
ASTANA. QazAqparat - Búgin keshke Belarýs fýtbolynyń juldyzy Aleksandr Gleb «Qaırat» sapynda jattyǵý ótkizbek, dep habarlaıdy «SPORTINFORM» SAA.
Keshe qazaqstandyq BAQ betterinde 36 jastaǵy burynǵy oıynshy bizdiń elge kelgeni habarlanǵan. Keshqurym ol Kaırat Boranbaevpen kelissózder júrgizgen. Al búgin tańerteń ol «Qaırattyń» jattyǵý bazasynda bolǵan. Tipti komandanyń formasyn alyp, klýbtyń ashanasynda tańǵy asyn ishken. Keshke komandamen birge jattyǵýǵa qatyspaq.
Alaıda, belarýstyq burynǵy fýtbolshymen kelisim jasalǵany týraly derek joq.
Shamasy, Andreı Arshavınmen jasalǵan shart stsenarııi qaıtalanatyn sekildi. Bir aı synaq merzimi berilip, qosymsha jattyǵý jasaıdy. Eger baby kelse, onda maýsym sońyna deıin kelisim jasalýy múmkin.
