«Barselona» keler maýsymda sporttyq jeıdesiniń dızaınyn ózgertedi
ASTANA. QazAqparat - «Barselona» fýtbol klýby keler maýsymda sporttyq kıimderiniń dızaınyn ózgertedi. Bul týraly Footyheadlines.com basylymy habarlady.
Katalondyq klýbtyń 2017-2018 jylǵy maýsymdaǵy sporttyq kıimderin tanymal Nike kompanııasy daıyndaıdy. Osyǵan deıin de osy kompanııa daıyndap kelgen bolatyn. Tek aldaǵy maýsymnan bastap komandanyń resmı demeýshisi aýysady. Bul týraly buǵan deıinde habarlanǵan edi.
Búginde «Barselonanyń» jeıdesindegi bas demeýshi - Qatar Airways. Aldaǵy maýsymnan bastap komanda jeıdesiniń aldyna Rakuten ınternet-kompanııasynyń aty jazylatyn bolady.
Japon kompanııasy bul demeýshilik úshin klýbqa jylyna 55 mıllıon eýro tóleıdi. Qos tarap tórtjyldyq kelisimshartqa qol qoıǵan, dep jazady Vesti.kz.
