«Barselona» Ispanııa Sýperkýbogy úshin alǵashqy oıynda 0:4 esebimen oısyraı utyldy
ASTANA. QazAqparat - Ispanııa Sýperkýbogyn sarapqa salyp jatqan «Atletık» pen «Barselona» Bılbao qalasynda alǵashqy kezdesýin ótkizdi. Onda eshkim kútpegen nátıje tirkeldi. Ispanııanyń ǵana emes, kúlli Eýropanyń úzdik komandasy bolyp sanalatyn katalondyqtar jergilikti oıynshylarǵa 0:4 esebimen jeńildi.
Oıyn esebin 13-shi mınýtta qorǵaýshy Mıkel San-Hose ashty. Osydan keıin baskilerdiń shabýylshysy Arıts Adýrıs qarsylastar qaqpasyn úsh márte dál kózdep, het-trık avtory atandy.
Qarymta kezdesý Barselonada dúısenbi kúni ótedi. Sýperkýbok ıegeri eki oıyn qorytyndysy boıynsha anyqtalady. Jeńiske jetý úshin Barselonaǵa óz alańynda qarsylasty bes dop aıyrmasymen utý qajet.
Ispanııa Sýperkýbogy. Fınal
Atletık B (Bılbao) - Barselona (Barselona) - 4:0
Gol dar : San-Hose, 13 (1:0); Adýrıs, 53 (2:0); Adýrıs, 62 (3:0); Adýrıs, 68 (4:0, pen).
