«Barselona» fýtboldan klýbtyq álem chempıonatynda jeńiske jetti
ASTANA. QazAqparat - Ispanııanyń "Barselona" komandasy fýtboldan klýbtyq álem chempıonatynyń fınaldyq oıynynda argentınalyq "Rıver Pleıt" komandasyn 3:0 esebimen tize búktirdi. Kezdesý Japonııada ótti, dep habarlaıdy Bı-bı-sı.
Oıynnyń 36-mınýtynda esepti Lıonel Messı ashty. Katalondyq shabýylshy jartylaı fınaldyq kezdesýde densaýlyǵyna baılanysty oıynǵa qatyspaǵan bolatyn. Biraq, sheshýshi kezdesýge deıin saýyǵyp, alańǵa shyqty.
Ekinshi taım bastala bere "Barselonanyń" basymdyǵyn Lýıs Sýares eseledi. Al 68-mınýtta osy oıynshy dýbl avtory atandy. Osylaısha oıyn 3:0-men aıaqtaldy.
Aıta keteıik, "Barselona" úshinshi márte klýbtyq álem chempıonatynyń jeńimpazy atanyp, rekord ornatty.
