«Barselona» fýtbol klýbynyń 12 jankúıeri jol apatynan qaza tapty
ASTANA. QazAqparat - Ekvadordyń «Barselona» fýtbol klýbynyń jankúıerleri súıikti komandasynyń syrt alańdaǵy oıynynan keıin qaıtar jolda jol apatyna ushyrady, dep habarlaıdy TASS AFP agenttigine silteme jasap.
Klýb prezıdenti Hose Fransısko Chevallostyń málimdeýinshe, jazataıym oqıǵa jeksenbi kúni bolǵan. Ekvador chempıonatynyń matchynan keıin Kýenkadan Gýaıakılge qaıtar jolda «Barselona» klýbynyń jankúıerleri mingen kólik apatqa ushyrap, sonyń saldarynan 12 adam ajal qushqan, taǵy 30-y jaraqattanǵan.
«Barselonanyń» stadıonynda qaza tapqan jankúıerlerdi eske alý sharasy ótedi.
Jol-kólik oqıǵalary Ekvadorda jıi adam ólimine ákep soqtyrady. Jergilikti qyzmetterdiń aqparatyna qaraǵanda, kún saıyn orta eseppen 1 adam qaza taýyp, 80-ge jýyq adam zardap shegedi.
Foto: peru21.pe
