Barselona bıznes mektebinde Qazaqstan táýelsizdiginiń 30 jyldyǵyna arnalǵan dáris ótti

NUR-SULTAN. QazAqparat – Qazaqstan Elshisi Konstantın Jıgalov Eýropalyq ýnıversıtettiń Barselona bıznes-mektebinde (EU Business School Barcelona) elimizdiń táýelsizdiginiń 30 jyldyǵyna arnalǵan dáris oqydy, dep habarlaıdy QR SІM baspasóz qyzmeti.

Qazaqstandyq dıplomat aýdıtorııany Prezıdent Qasym-Jomart Toqaevtyń «Táýelsizdik bárinen qymbat» maqalasynyń negizgi erejelerimen tanystyrdy jáne Qazaqstanyń úsh tarıhı onjyldyqtaǵy jetistikterin egjeı-tegjeıli sıpattady, olardyń árqaısysy memleket tarıhy úshin erekshe jáne kezeńdi boldy.

K.Jıgalov táýelsizdik tańynda turǵan aýqymdy mindetterdi sheshýde, qazaqstandyq joldy qamtamasyz etýde jáne eldi ozyq óńirlik derjavaǵa aınaldyrýda onyń Tuńǵysh Prezıdenti - Nursultan Nazarbaev zor úles qosqanyn atap ótti. Elshi Elbasynyń negizgi syrtqy saıası bastamalaryna egjeı-tegjeıli toqtalyp, olardy iske asyrý Qazaqstannyń halyqaralyq bedelin aıtarlyqtaı nyǵaıtty.

Aýdıtorııany elimizdi odan ári jańǵyrtýǵa baǵyttalǵan Qazaqstan basshylyǵynyń strategııasy, Prezıdentiń saıası reformalarynyń úsh paketiniń dáıektiligi men úılesimdi sıpaty qyzyqtyrdy.

Dáris tikeleı ınteraktıvti dıalog túrinde jalǵasyn tapty, onyń barysynda K.Jıgalov Germanııa, Nıderland, Kanada, Meksıka, Lıvan, Bolıvııa stýdentteriniń, sondaı-aq bıznes-mektebinde oqıtyn qazaqstandyq stýdentterdiń úlken tobynyń kóptegen suraqtaryna jaýap berdi.

Olarmen Naýryz meıramyna oraılastyrylǵan Elshiniń jeke kezdesýi ótti. Stýdentter ózderiniń eńbek kúnderi men bolashaqqa josparlary týraly aıtyp berdi, Barselonadan basqa da Shveıtsarııa (Jeneva) jáne Germanııada (Mıýnhen) óz kampýstary bar bıznes-mekteptegi oqý protsesiniń deńgeıi týraly joǵary pikir bildirdi.

Qazaqstannyń Ispanııamen bilim berý salasyndaǵy yntymaqtastyǵyn nyǵaıtý dál sol kúni K.Jıgalovtyń Barselona ýnıversıtetiniń basshylyǵymen kezdesýi barysynda talqylandy.

Elshiniń Barselonaǵa saparynyń mańyzdy quramdas bóligi «Azııa úıi» Prezıdenti Haver Parrondomen jáne Azııa kınosy Barselona kınofestıvaliniń basshysy Menene Graspen kelissózder ótti. Olardyń máni taldaý ortalyqtary men sarapshylar toptaryn tarta otyryp, aǵymdaǵy jylǵy maýsymda Qazaqstan boıynsha halyqaralyq konferentsııany ótkizý, sondaı-aq qazaqstandyq fılmderdiń Katalonııa astanasyndaǵy jyl saıynǵy kınofestıvalge odan ári qatysýy boldy.

K.Jıgalov «Iberhospitex» ıspandyq kompanııasynyń prezıdenti Anıseto Lopespenpen ústimizdegi jyly Nur-Sultan qalasynda júrek-qantamyr ınterventsııasy salasyndaǵy medıtsınalyq jabdyqtar men joǵary tehnologııalyq ónimder shyǵaratyn jergilikti óndiristi paıdalanýǵa engizý máselelerin talqylady.