Barselona bıligi «krýızdik» týrızmdi shektemek

ASTANA. KAZINFORM – Ispanııanyń Barselona qalasynyń bıligi men jergilikti porttyń basshylyǵy 2030 jyly krýızdik termınaldar sanyn 7-den 5-ke deıin qysqartý týraly sheshim qabyldaǵan, dep habarlaıdy Kazinform agenttiginiń menshikti tilshisi.

Atalǵan shara krýızdik belsendilikti shekteýge baǵyttalǵan.

Merııa men Barselona porty ákimshiligi qol qoıǵan kelisimge sáıkes, A, V jáne S termınaldary Adossat jaǵalaýynan alynyp tastaıdy.

Olardyń ornyna 2028 jyly jańa «S» platformasy paıda bolady. Ol bir mezette 7 myń jolaýshyny qabyldaýǵa qaýqarly. Bul 12 800 adamǵa laıyqtalǵan úsh termınaldyń barlyǵynyń kúshinen aıtarlyqtaı az.

Jobaǵa salynatyn ınvestıtsııanyń jalpy quny 185 mln eýro bolady. Olar 2018 jyly salynǵan 265 mln eýrony tolaqtyrady.

Soǵan qaramastan porttaǵy jolaýshylar sany 37 myńnan 31 myńǵa deıin qysqarady. Ispanııa bıligi bul sharanyń qurylymdyq ekenin aıtady. Ol degenińiz týrıstik aǵym azaımaıdy degen sóz.

2018 jyldan beri Barselonada krýızdik týrıster sany 20 paıyzǵa artty. Alaıda qala ınfraqurylymǵa degen qysym men jergilikti turǵyndardyń narazylyǵyna deıin jetken shekten tys týrızmnen zardap shegip otyr.

Barselona meri Jaýme Kolbonıdiń aıtýynsha, jańa jospardyń áseri birtindep baıqalady jáne ol krýızdik kompanııalarmen yntymaqtastyq deńgeıine tikeleı baılanysty bolmaq. Infraqurylymǵa qatysty shekteýler — bul alǵashqy qadam ǵana, onyń artynan qalaǵa kelýshiler sanyn baqylaýǵa qatysty kelisimder qabyldanýy tıis.

Jaqynda qazaqstandyq oqýshylardyń Barselonadaǵy baıqaýda 13 medal enshilegeni týraly jazdyq.