Barselona áýejaıyndaǵy oqıǵa týraly beınejazbany 8 mln. adam kórdi
ASTANA. QazAqparat - Barselona áýejaıynda apatty jaǵdaı bola jazdaǵany týraly álemdik BAQ jarysa jazyp, YouTube áleýmettik jelisine oqıǵanyń beınejazbasy salynǵan bolatyn. Qazirgi ýaqytta júzdegen adamnyń ómirin saqtap qalǵan ushqysh týraly beınejazbany 8 mln. astam adam kórip úlgergen.
Máskeýden ushyp kele jatqan UTair áýekompanııasynyń Boeing 767 ushaǵy ushý alańyndaǵy Argentınanyń Airbus A340 ushaǵymen soqtyǵysa jazdap, ushqyshtyń shuǵyl sheshiminiń arqasynda áýege qaıta kóteriledi. Apatty jaǵdaıdan aman qalǵan ushaq ekinshi aınalymda sátti qonǵan. Reseılik mamandar bul dıspetcherlerdiń qateligi bolýy múmkin degen boljam jasap otyr. Alaıda, ıspanııalyq «Metro» gazeti eshqandaıda qaterli jaǵdaı bolmady dep jazady. Basylymǵa suhbat bergen áýejaı ókilderi mundaı jaǵdaı aýa-raıy qolaısyz kezde bolyp turady dep málimdegen. Argentınalyq mamandar da ıspanııalyq áriptesterin qoldap otyr.
