Barselona áýejaıynda eki adam týrısterden 8 mıllıon eýro urlaǵan
MADRID. QazAqparat – Katalonııa aımaqtyq polıtsııa qyzmetkerleri (Mossos d'Esquadra) Barselona áýejaıynda reseılik týrıster 8 mln-nan astam eýrosyn (8,75 mln AQSh dollary) tonatyp alǵany týraly habarlama túsken soń eki er adamdy ustady, dep habarlaıdy QazAqparat Xinhua-ǵa silteme jasap.
Polıtsııa tonaý sársenbi kúniniń keshinde bolǵanyn rastady.
Reseılik týrıster Barselonadaǵy El-Prat áýejaıynyń 1-shi termınalyndaǵy tirkeý aımaǵynda tonaldy.Polıtsııanyń málimetinshe, kúdiktiler ishine zergerlik buıymdar men qymbat saǵat salynǵan áıgili Louis Vuitton brendiniń kishkentaı sómkesin ózderimen birge alyp qashyp ketken.
Bul Ispanııadaǵy eń úlken tonaý boldy. Sómkede quny 5 mln dollardan asatyn 47 karattyq altyn saqına jáne 20 myń eýro qolma-qol aqsha bolǵan.
Týrıster zattarynyń joǵalǵanyn kórip, dereý polıtsııaǵa júgindi.
Beınebaqylaý kameralaryndaǵy jazbalar polıtsııaǵa urlyqqa kúdiktilerdi, olardyń kóliginiń markasy men nómirin anyqtaýǵa jáne qaskúnemderdi jedel ustaýǵa kómektesti.
Sómke men onyń ishindegi zattar birneshe saǵat ishinde ıelerine qaıtaryldy.
