Barsakelmes qoryǵyndaǵy Borşov qyzǵaldaǵy gúldedi

QYZYLORDA. qAZaQPARAT - Qyzylorda aýmaǵyndaǵy «Barsakelmes» memlekettik tabıǵı qoryǵyndaǵy Borşov qyzǵaldaǵy gúldedi, dep habarlaıdy QazAqparat.

Bul - reseılik botanık Ilıa Grıgorevıch Borşovtyń esimimen atalǵan Aral teńizi óńiriniń endemıgi. Atalmysh qyzǵaldaq túri «Barsakelmes» qoryǵynda kóptep kezdesedi, sáýir-mamyr aılarynda gúldep, mamyr-maýsym aılarynda jemistenedi. Jemisi — úsh uıaly kóp tuqymdy qaýashaq.

Esterińizge sala keteıik, álemde qyzǵaldaqtyń 3000-ǵa jýyq túri bar. Bizdiń elimizde 35 túri ósedi, 18-i Qazaqstannyń Qyzyl kitabyna engizilgen, onyń ishinde Borşov qyzǵaldaǵy da bar.