Barnett Jaqııanovpen revansh ótkizgisi kelmeıdi
ASTANA. QazAqparat - Janat Jaqııanovty (27-2, 18 KO) jeńgen Raıan Barnett (18-0, 9 KO) osy jetistigimen qala bergisi kelmeıdi, dep habarlaıdy Sports.kz.
Onyń promoýteri Eddı Hırn klıentiniń birinshi jeńil salmaqtaǵy kelesi tıtýldyq jekpe-jegin uıymdastyrýǵa asyǵyp otyr.
«Biz aqpanda nemese naýryzda dıvızıonnyń qalǵan beldikterin jınap ketý úshin osynda [Belfastqa] kelýdi qalaımyz. Bul dıvızıonda WBA-diń «turaqty» chempıony Djeımı Makdonnell, WBO chempıony Zolanı Tete bar, al WBC beldigi ázirge bos tur. Raıan solardyń barlyǵyn sypyryp alýdy qalaıdy», - dedi Hırn Sky Sports arnasyna bergen suhbatynda.
Eske sala ketsek, Barnett Jaqııanovty tóreshilerdiń sheshimimen jeńgen bolatyn, IBF jáne WBA (Super) nusqalary boıynsha álem chempıony tıtýldary endi sonyń ıeliginde.
