Barnaýylda Pavlodar oblysynyń mádenı kúnderi ótýde
ASTANA. QazAqparat - Barnaýylda Pavlodar oblysynyń mádenı kúnderi ótip jatyr, dep habarlaıdy «QazAqparat» HAA RF-tegi QR Elshiligine silteme jasap.
Іs-shara 2017 jyly Pavlodar oblysy mádenıet, arhıv jáne qujattama basqarmasy men Altaı ólkesi mádenıet jáne arhıv isteri basqarmasy arasynda qol qoıylǵan kelisim aıasynda ótýde.
Altaı memlekettik ólketaný mýzeıinde «Uly Dala murasy» kórmesi uıymdastyryldy.
Ekspozıtsııada Pavlodar oblystyq mýzeıiniń alǵashqy dırektory jáne negizin qalaýshy Dmıtrıı Bagaevtyń elý shaqty jumysy qoıylǵan. Ol sýretterde XX ǵasyrdyń basyndaǵy qazaq halqynyń turmys-tirshiligi men ómiri, burynǵy Pavlodardyń kórinisi, Ertis pen Baıanaýyl taýlarynyń tabıǵaty beınelengen.
Búgin keshkisin Barnaýyldaǵy «Sibir» kontsert zalynyń negizgi sahnasynda Isa Baızaqov atyndaǵy Pavlodar oblystyq fılarmonııa ártisteriniń merekelik baǵdarlamasy kórsetiledi.
