Barnaýylda qubyrdan atqylaǵan ystyq sý toǵyzynshy qabattaǵy páterlerdiń terezelerin syndyrdy

ASTANA. QazAqparat - Barnaýylda qubyrdan toǵyz qabatty úıden asyp, atqylaǵan ystyq sý birneshe páterdiń terezelerin syndyrdy, dep habarlady RIA Novostı.

Popova kóshesinde №96 úı mańyndaǵy apat qubyrdyń beriktigin tekserý kezinde oryn aldy. Atqylaǵan sý páterlerdiń terezesin syndyryp, úı bıiktiginen de asyp tústi. Bul nysan mektep janynda ornalasqan.

«Popov jáne Anton Petrov kósheleriniń qıylysyndaǵy magıstraldy qubyr jaryldy», - dep atap ótti Barnaýyl «Sibirlik kompanııa» fılıalynyń baspasóz qyzmetinde.

Kompanııa ókilderiniń aıtýynsha, qazirgi ýaqytta apatty ýchaskede sý berý toqtatyldy. Qubyr sýdan aǵytyldy. Mamandar oqıǵa ornynda jumys isteýde.