Barnaýlda jol apatynan toǵyz qazaqstandyq zardap shekti
ASTANA. 3 mamyr. QazAqparat - Seısenbige qaraǵan túnde Barnaýlda qazaqstandyq reıstik avtobýs jol apatyna ushyrady. Sonyń saldarynan toǵyz adam, sonyń ishinde eki jasar sábı zardap shekti,
dep habarlaıdy Reseı TJM Altaı aımaǵy boıynsha Bas basqarmasynan, dep jazady VESTI.rý
«Aldyn ala boljam boıynsha, jol apaty júrgizýshiniń kólik róline ıe bola almaı qalýynan bolǵan», - delingen TJM taratqan aqparatta. Vedomstvonyń habarlaýynsha, 27 jolaýshy jáne eki júrgizýshi otyrǵan Hyundai markaly avtobýsy Óskemennen Novosibirge jol tartqan. Máskeý ýaqyty boıynsha saǵat 1.40-ta avtobýs jol boıyndaǵy jyraǵa túsip ketken.
Zardap shekken jeti adam Barnaýl qalasynyń №1 aýrýhanasyna jetkizildi. «Eshkim aýyr jaraqat almady. Negizinen jeńil jaraqattar», - degen Barnaýl jol mılıtsııasy basqarmasyndaǵylar.
