Barnaýlda jerge qatty qonǵan ushaqta zardap shekkender sany 56 adamǵa jetti
BARNAÝL. TASS – QazAqparat – Barnaýl áýejaıynda shassıi órtenip, shuǵyl qonǵan Boeing ushaǵynda zardap shekkender qatary 56 adamǵa jetti, dep habarlaıdy QazAqparat TASS agenttigine silteme jasap.
RF Tergeý komıteti Kóliktegi Batys Sibir tergeý basqarmasynda málim etkendeı, qazirgi tańda medıtsınalyq sanıtarlyq bólimge kómek surap 56 jolaýshy kelgen. Bir áıel aýrýhanada jatyr.
Qalǵan jolaýshylar dárigerge qaralyp, úılerine jiberildi. Buǵan deıin 49 adamnyń zardap shekkeni týraly habarlanǵan edi.
Vetnamnyń Kamran qalasynan Barnaýlǵa attanǵan Azur Air áýe kompanııasy ushaǵynyń bortynda barlyǵy 344 adam bolǵan. Onyń 334 – jolaýshy, qalǵan on adam – ekıpaj músheleri. TJM óńirlik bas basqarmasynda málim etkendeı, sársenbi kúni saǵat 21:21-de Barnaýl áýejaıynda áýe kemesiniń shassıi órtenip, ushaq jerge qatty qonǵan. Salonǵa tútin jaıylyp, jolaýshylar úrmeli basqyshtarmen evakýatsııalandy.
