Barnaýlda bógettiń buzylýynan 800 adam kóshirildi
ASTANA. QazAqparat - Barnaýldaǵy sý basqan Ilıch kentinen 800-den astam adam kóshirildi, sondaı-aq sý basqan jerlerden adamdardyń ózderi de shyǵýda, dep habarlady Interfaks qala merııasynyń baspasóz ortalyǵyna silteme jasap.
Sońǵy 3 saǵatta Ilıch kentiniń tusynda Ob ózenindegi sý deńgeıi 701 santımetrge jetip tur, degenmen sý kent kóshelerin toltyrýdy jalǵastyrýda. Óz úılerinde qalǵan turǵyndarǵa múlikteriniń saqtaý jaǵdaılaryn qamtamasyz etýde kómek kórsetilýde.
№56 mektepte ornalastyrylǵan ýaqytsha jaılastyrý pýnktine júgingen turǵyndar sany 36 adamǵa deıin jetti. 17 adam kóshirý pýnktine qonýǵa tilek bildirdi, olardyń ishinde tórt bala bar. Ýaqytsha ornalastyrý pýnktin polıtsııa kúzetýde. Kentte polıtsııa qyzmetkerleri qoǵamdyq tártipti saqtaýǵa jumyldyryldy. Elektrmen jabdyqtaýda úzilis joq.
Budan buryn buzylǵan bógetten Ilıch kentine aǵylǵan sý Zaozernoe, Korablık araly kóshelerine, sondaı-aq ishinara Krasnoıarskaıa kóshesine, qalqyma kópirge jetkeni habarlanǵan bolatyn. Bul kóshelerde 373 turǵyn úı bar, sýǵa ketken ýchaskeler men úılerdiń sany naqtylanýda, delingen Barnaýl merııasynyń habarlamasynda.
