Barnaýlda avtokólik ıeleri joldardy ózderi jóndemek
ASTANA. Sáýirdiń 10-y. QazAqparat - Reseı qalalarynyń júrgizýshileri jol problemasyn ózderi sheshpek bolyp otyr, dep habarlaıdy «Maıak» radıosy.
Rýnettegi keń tanymal forýmdardyń biri - "Drom.rý» forýmynyń qatysýshylary búgin, senbi kúni Barnaýlda aktsııa ótkizdi - olar avtokólikter aqaýsyz ótpeıtin qala kósheleriniń birinde bes sharshymetr jerdiń jolyna asfalt tósedi. «Shuńqyr» degen atpen ótken operatsııa, forýmǵa qatysýshylardyń pikirinshe, qala ókimeti men jol qyzmetterin uıaltýy kerek.
Aktsııannyń bıýdjeti nebári 10 myń rýbldi qurady. Bul somany qaltalarynan shyǵarǵan avtomobılıster oǵan asfalt satyp aldy. Jáne asfaltty tósemes buryn, shuńqyrlardyń birine shaqa tastaldy - bul, qala ókimeti sapasyz jóndeý jumystaryn júrgize otyryp, salyq tóleýshilerdiń aqshasyn jerge kómýde, degendi bildiredi.
Osyndaı aktsııany sáýirdiń 4-inde Vladıvostok júrgizýshileri ótkizgen bolatyn.
