Barmaq basty, kóz qysty bolmaýy tıis – Alık Shpekbaev dárihanalar týraly
Alık Shpekbaev Qostanaı oblysyna jumys sapary aıasynda turǵyndardy dárilik preparattarmen qamtamasyz etý sharalaryna erekshe nazar aýdardy.
Ol aldymen «SQ-Farmatsııa» JShS operatsııalyq qoımasyna bardy. Qoıma oblystyń emdeý mekemeleri men uıymdarynyń Nur-Sultan qalasyndaǵy habtan dárilik preparattar men medıtsınalyq buıymdardy jedel alý qaǵıdaty boıynsha uıymdastyrylǵan.
Túrli aýrýlardy statsıonarlyq jáne ambýlatorııalyq emdeýdi qamtamasyz etý aıasynda medıtsınalyq mekemelerdiń dástúrli ótinimderine de, koronavırýstyq ınfektsııany emdeýge qajetti qarajatqa tapsyrystarǵa da qyzmet kórsetiledi.
«Ákimdik dári-dármek, dárigerlerdi qorǵaý quraldary, onyń ishinde gýmanıtarlyq kómek aıasyndaǵy ashyqtyqqa nazar aýdara otyryp, qoǵamdyq uıymdardy belsendi túrde tartýda. Pandemııa árbir qazaqstandyqqa áser etti. Sondyqtan «barmaq basty, kóz qysty» jumys bolmaýy tıis. Árbir dári-dármek alaıaqtardyń tabys kózine aınalmaı, tutynýshysyna jetýi óte mańyzdy», - dep basa aıtty Alık Shpekbaev.
Aıta keteıik, buǵan deıin birqatar óńirlerde monıtorıngtik toptar dári-dármekter men qorǵanys quraldarynyń azaımaıtyn qoryn qalyptastyrýdaǵy máseleler týraly málimdegen bolatyn. «SQ-Farmatsııa» Qostanaı fılıalynyń ókilderi barlyq logıstıkalyq qateler eskerilgenin jáne búgingi kúni óńirde qajetti qor bar ekenin aıtty.
Jergilikti atqarýshy organdardyń ókilderi habarlaǵandaı, koronavırýstyq ınfektsııany, pnevmonııany jáne JRVI emdeýge baǵyttalǵan dárilik zattarmen azamattardy qamtamasyz etý maqsatynda dárihana jelileri men farmatsevtıkalyq fırmalardyń dıstrıbıýtorlaryna 538 mln teńge bólindi.
Agenttik tóraǵasy pandemııanyń ekinshi tolqynyna daıyndyq barysynda oblystyń materıaldyq qory esebinen satyp alynǵan dári-dármekterdi satatyn «Tsvetnaıa» dárihana qoımalaryn aralady.
Aıta keteıik, Sybaılas jemqorlyqqa qarsy is-qımyl agenttiginiń tóraǵasy Alık Shpekbaev Qostanaı oblysyna jumys sapary barysynda oblys ákimi Arhımed Muhambetovpen birge Rýdnyı jáne Lısakov qalalarynda boldy.
