«Barlyqtaryńyzdyń nazaryna!»: Almaty jalpyqalalyq seısmojattyǵýǵa daıyndalýda
ALMATY. 23 shilde. QazAqparat - Buǵan deıin habarlaǵandaı, Almatyda aǵymdaǵy jyldyń 25 shildesinde jalpyqalalyq seısmojattyǵý ótedi.
Búgin qalalyq tótenshe jaǵdaılar departamentinde aldaǵy sharaǵa daıyndyq barysyna arnalǵan BAQ ókilderi úshin baspasóz máslıhaty ótti.
Jalpy qalalyq seısmojattyǵý «Tótenshe jaǵdaıdyń aldyn alý jáne eskertý vedomstvoaralyq komıssııanyń, qalada jer silkinisi qaýpi tóngen jaǵdaıdaǵy basqarý organdarynyń is- áreketteri» taqyrybynda ótedi.
"Seısmojattyǵýdyń negizgi maqsaty «Barlyqtaryńyzdyń nazaryna!» dabyly boıynsha halyqty durys áreket etýge úıretý, sondaı-aq óz-ózine jáne ózara kómek kórsetý áreketteri boıynsha tájirıbelik sabaqtardyń serııasyn ótkizý bolyp tabylady», - dedi Almaty qalasy boıynsha TJD basshysynyń orynbasary Nurlan Madııarov.
Halyqty qulaqtandyrý S-40 elektrdabyl qaqqyshtarynyń 239-yn qosýǵa múmkindik beretin P-164 apparatýrasynyń kómegimen júzege asyrylatyn bolady. Sondaı-aq SMS taratylyp, kabeldi telearnada arnaıy habarlandyrý júredi.
