Barlyq salalarda dáıekti ózgerister jasaımyz – Qasym-Jomart Toqaev

NUR-SULTAN. QazAqparat – Biz 2025 jylǵa qaraı árbir azamat úshin tıimdi ınstıtýttsıonaldyq jáne ınfraqurylymdyq orta qalyptastyramyz. Búgin jetinshi shaqyrylǵan QR Parlamentiniń birinshi sessııasynda Prezıdent Qasym-Jomart Toqaev osylaı málim etti, dep habarlaıdy QazAqparat tilshisi.

Memleket basshysy elimizdiń strategııalyq baǵdary aıqyn ekenin atap ótti.

«Maqsatymyz – ozyq damyǵan elderdiń qataryna qosylý. Damyǵan el degenemiz – eń aldymen, deni saý, bilimdi jurt. Sondyqtan memlekettiń basty mindeti – azamattarymyzdyń tolyqqandy damýyna, ál-aýqatynyń artýyna jáne jaıly turmysyna jaǵdaı jasaý. Biz 2025 jylǵa qaraı árbir azamat úshin tıimdi ınstıtýttsıonaldyq jáne ınfraqurylymdyq orta qalyptastyramyz. Elimizdiń uzaq merzimdi damýy – sabaqtastyq, ádildik jáne órleý qaǵıdattaryna negizdeledi. Kózdegen maqsatqa jetý úshin barlyq salalarda dáıekti ózgerister jasaımyz», - dedi Prezıdent.